Мамлекеттик кепилдиктер программасынын алкагында жүргүзүлгөн түшүндүрүү иштери

×

Нарын облустук үй-бүлөлүк медицина борборунун кызматкерлерине Милдеттүү медициналык камсыздандыруу фондунун Нарын аймактык башкармалыгынын кызматкери 2021-жылдын 21-апрелинде “Мамлекеттик кепилдиктер программасынын” алкагында жаңы өзгөрүүлөр, камсыздандырылбаган жарандар медициналык кызмат алууда каралган жеңилдиктерди пайдалануу үчүн 1286 сомдук ММК Полисин кандай шартта ала тургандыктары жана чет элдик жарандарга каралган шарттары боюнча түшүндүрүү иштери жргүзүлдү. Ошондой эле «Электрондук жеңилдетилген рецепт” маалымат тутумун Нарын облусунун аймагында киргизүүгө даярдыктарды жүргүзүү боюнча маалыматтар берилди. Катышуучулар медициналык кызмат көрсөтүүлөр боюнча берилген суроолоруна жооп алышты.

Жарандардын медициналык багыттагы кандайдыр суроолору болгон учурда ММК Фондунун 113 ыкчам байланыш телефонуна акысыз чалып, суроолорго жооп алууга мүмкүн экени айтылды.